සිතුවිලි රුධිරයේ දිය නොවෙයි.....

නිහඬතාවය හඬක් නොනගයි...
සිතිවිලි උපදී
අවකාශය තවදුරටත් අවකාශයක් නොවේ
තිඹිරිගෙය අතහැර අනන්තයට මුහුවෙයි
එකිනෙක ගැටෙයි.. විසිවෙයි ..
බැඳෙයි...විසිරයයි..

යමෙක් මේ සිතිවිලි සොයා යයි
දෙනෙතින් ඇතුල් වී
හදවත පිරික්සයි
මිටින් ගෙන බැලුවත්
සිතිවිලි හමු නොවේ
මහා ධමනිය රුහිරු වගුරයි
එනමුත්
සිතුවිලි රුධිරයේ දිය නොවෙයි..

සිතිවිල්ලක මරණය
එය උපන් ලක්ෂයයි
පනඅදින සිතිවිලි
අවකාෂයේ නොමැරෙයි
උත්පත්ති කේන්ද්‍රරයම
නැවතත් සොයාඑයි
උපත නම් මරණයේ දොරටුවයි..

තෙත් පසින් මොටෙයියන් මතුවෙයි
හිරුරැස් බිඳක් වුව සෑහෙයි
වියලුණු සිතක වුව පැතුමන් ඉපදෙයි
සිතුවිලි අතරින්
සුන්දරම සිතිවිල්ල
බලාපොරොත්තුවයි.........